【港女野人】Jessica逾400米高峰做瑜伽騷腹肌　Honey膝痛舊患發作堅持上山

由四名港姐出身的J2ers何泳芍（Honey）、陳若思（Amber）、廖慧儀（Jessica）及胡美貽（Nicole）擔任主持的《港女野人》。今（13日）明兩集，四女在山藝達人達Sir帶領下，挑戰「香港三尖」之一、有「香港第一險峰」稱號的蚺蛇尖，難度系數高達五星級！

要攀登蚺蛇尖頂峯除了要克服斜度極高的崎嶇不平山路外，上落山的路程更長達近900米，絕對是集中力、意志力及體力一大挑戰。

【港女野人】何泳芍6小時執40袋垃圾蛆蟲爬上手　陳若思一冷一熱發燒終病倒

四女魄力驚人

由於出發當日天氣酷熱，為免中暑，達Sir選擇於凌晨三點左右出發登山；由於四女事前又要打點又要紮營又要上堂惡補行山知識，每人最終平均只睡了兩個小時便要出發登山。

雖然如此四女依然魄力驚人，不但手腳並用爬高爬低、上斜落斜冇難度，更全程精神奕奕維持「高分貝」操作，連達Sir亦忍不住大讚四人潛力及毅力驚人。

四人當中以Jessica狀態最好，全程帶頭的她無論是結實的腹肌或是老鼠仔均相當搶鏡，落山時更靈活自如，但慘遭Honey笑指似「魷魚」，場面搞笑。

▼點擊圖片放大

+15

+14

Jessica認瑜伽有助練腹肌

問到Jessica如何操出如此健美腹肌，身為瑜伽導師的她直指多做瑜伽有幫助：「因為瑜伽有好多腰部嘅扭轉動作同埋呼吸法，都係鍛鍊緊核心肌肉，加上呢個節目我哋真係行咗好多山，所以腹肌就更結實咗。」

Jessica續指要操出腹肌單靠節食不行，一定要配合肌肉訓練才能練出完美線條。至於鍛鍊動作，Jessica推介Boat pose及平板支撐。

Jessica還開心分享了於蚺蛇尖頂峯的瑜伽打卡照，照片所見Jessica除了夠晒柔軟外，平衡力亦相當一流，Jessica說：「要保持好嘅平衡，其實係會運用到Pat Pat、大腿同小腿嘅肌肉，同埋要好專注，唔可以分心。」

▼點擊圖片放大

+6

+5

Honey舊患發作

其實這次四女挑戰高難度之旅暗藏危機，皆因Honey登山前膝痛發作，要靠食消炎止痛藥頂硬上，幸好最後有驚無險。

Honey受訪時謂：「以前我操水操得太勁，搞到好多隱性舊患，好彩都唔算嚴重，但就唔可以做過量運動。我之前試過拗完柴未好番就不停操水，搞到啲軟組織鈣化咗同有白色一點點勞損咗。」Amber及Nicole則爆料指Honey魅力沒法擋，行山時遭甲蟲胸襲，更拿出相片為證，十分爆笑。

最新影片推介：河國榮專訪

精彩獎賞活動等您發掘：https://bit.ly/3ClEy1R